«Քննարկումների ժամանակ մի հետաքրքրական ցուցանիշ ներկայացվեց, որը հաջորդող օրերին առանձնապես չքննարկվեց»․ Տիգրան Աբրահամյան

ԱԺ ընդդիմադիր խմբակցության պատգամավոր Տիգրան Աբրահամյանը գրում է․ «Պարտադիր ժամկետային ծառայության կրճատման քննարկումների ժամանակ մի հետաքրքրական ցուցանիշ ներկայացվեց, որը հաջորդող օրերին առանձնապես չքննարկվեց:
ՊՆ-ն նշեց, որ այս տարի 25-օրյա վարժական հավաքներին շուրջ 16 հզ. մարդ է մասնակցել, իսկ այս թիվը 2026-ի համար պլանավորվել է շուրջ 20հզ.:
Հիշեցնեմ, որ այդ 25 օրերից 14-ը՝ մարտական հերթապահությունն է, որով ծածկվում է համալրման հետ կապված խնդիրների մի մասը:
Ժամկետի կրճատումով պլանավորված խնդիրներն արտահայտվելու են 2027-ի ամռանը, երբ 1.5 տարով զորակոչվածների առաջին զորակոչը կզորացրվի և առկա բազմաթիվ խնդիրներն ավելի կխորանան:
Իշխանության համար բանակն ունենալու խորհրդանշական դեր և ողջ հաշվարկն այն է, որ մեզ չեն սպառնա կամ չեն հարձակվի»։