«Լինել արցախահայության հոգևոր առաջնորդ ու խոնարհվել Արցախն ուրացած հրեշի առաջ, դավաճանություն է»․ Նաիրի Հոխիկյան

.Լրագրող, հանրային գործիչ Նաիրի Հոխիկյանը ֆեյսբուքյան էջում գրել է․ «Նոյեմբերի 27-ի ուշ երեկոյան, երբ հայտնի դարձավ, որ 8 եպիսկոպոսներ գնացել են Նիկոլ Փաշինյանի դուռը և փաստացի հպատակություն հայտնել նրան, մեծ ցավ ապրեցի հատկապես այն բանի համար, որ հրեշի առաջ խոնարհվողներից մեկն էլ Արցախի թեմի առաջնորդ Վրթանես եպիսկոպոս Աբրահամյանն էր։
Նրա հետ ես երկար ճանապարհ եմ անցել, առնվազն վերջին 5 տարիներին մի շարք ազգային նախաձեռնություններ ենք միասին իրականացրել, սուրճի ու թեյի սեղանի սուրջ զրուցել հայրենիքի ու պետականության, Արցախի հոգևոր ու մշակութային հարցերի մասին։
Նույն Վրթանեսը բազում անգամներ ինձ ասել է, որ Արցախից հրաժարվող հրեշի ձեռքը սեղմողները նույնպիսի հրեշներ են։
Ու հիմա տեսնում ենք, որ Արցախի թեմի առաջնորդը սեղմում է Արցախը թշնամուն հանձնող հրեշի ձեռքը։
Ես չեմ մտնում ներեկեղեցական հարցերի մեջ։ Դա իրենց հոգևոր կանոնական հարաբերությունն է, բայց լինել 150 հազար Արցախահայության հոգևոր առաջնորդ ու խոնարհվել Արցախը ուրացած, Արցախի եկեղեցիներն ու վանքերը, Արցախի հոգևոր ու ազգային արժեքները թշնամուն նվիրած հրեշի առաջ, դավաճանություն է։
Վրթանես եպիսկոպոս չլինի, իմ ամենահարազատ մարդն էլ լինի, միևնույն է, դավաճանությունը պետք է անուն և պատիժ ունենա։
Երեկ ամբողջ օրը ես հույսով սպասում էի, որ Վրթանես եպիսկոպոսը հայտարարություն կանի, մեղա կգա, ներողություն կհայցի եկեղեցուց ու ժողովրդից՝ գոնե արդարանալով, թե չի հասկացել իր արարքը։
Չարեց։
Դեռ հույսս չեմ կտրում, բայց մեծ ցավ եմ ապրում, որ նույնիսկ Արցախի թեմի առաջնորդը բռնեց հոգևոր անբարոյականության ու ազգային դավաճանության ճանապարհը։
Կարծում եմ, Արցախի թեմի հոգևոր ու աշխարհիկ հետևորդները, Արցախի կառավարությունը պետք է հայտարարությամբ հրաժարվեն Վրթանես եպիսկոպոսից' որպես Արցախի թեմի առաջնորդի»։