Հրդեհ Թուրքիայում. հյուրանոցից ավելի քան 150 մարդ է տարհանվել

749

Շաբաթ, 29 նոյեմբերի, 2025 թ., 20:38

Թուրքիայի արևմուտքում գտնվող Էսքիշեհիր քաղաքի հյուրանոցներից մեկում հրդեհի հետևանքով երկու մարդ վիրավորվել է։ Այս մասին հայտնում է «ՌԻԱ Նովոստին»։

«Շաբաթ առավոտյան հրդեհ է բռնկվել Էնիբագլար թաղամասում գտնվող հյուրանոցի շենքում գտնվող ռեստորանի խոհանոցում։

Հրդեհից առաջացած ծուխը պատել է հյուրանոցը և հարակից շենքերը։ Նախազգուշական միջոցառումների շրջանակներում հյուրանոցից տարհանվել է 152 հյուր։ Հյուրանոցի երկու աշխատակից վնասվածքներ են ստացել և հոսպիտալացվել», - հաղորդում է լրատվամիջոցը։