«Վրթանես եպիսկոպո՛ս, քանի՞ դիրքորոշում ես փոխելու»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Վրթանես եպիսկոպոս, քանի՞ դիրքորոշում ես փոխելու․
Արցախի թեմի առաջնորդ Վրթանես եպիսկոպոս Աբրահամյանը հայտարարություն է տարածել, որտեղ նշել է, որ նոյեմբերի 28-ին մի խումբ եպիսկոպոսների հետ Նիկոլ Փաշինյանի հետ հանդիպմանը մասնակցել է որպես Մայր Աթոռի եպիսկոպոսաց հանձնախմբի անդամ, և այն որևէ առնչություն չունի և չի կարող ունենալ Արցախի հիմնախնդրի և մեր հայրենակիցներին հուզող հիմնահարցերի հետ, ինքը եղել է, կա և միշտ լինելու է իր հոտի կողքին՝ իր ոտնահարված իրավունքների համար տարվող պայքարում, ինքը հավատարիմ է իր առաջնորդական ուխտին արցախահայության հանդեպ և հավատում է որ «Ամենազոր Աստծու ողորմածությամբ, մեր հայրենակիցների միասնական անկոտրում կամքով, Արցախի պետական, հասարակական իմաստուն այրերի համախոհությամբ կիրականացնենք մեր բաղձալի երազանքները»։
Ինչպե՞ս կարող ես Արցախը հանձնած, Արցախն Ադրբեջան մաս համարող, Ամենայն հայոց կաթողիկոսին Կտրիճ Ներսիսյան անվանող Նիկոլ Փաշինյանի «ոտքը գնալ» եկեղեցու ու կաթողիկոսի հանդեպ դավադիր ծրագրով և դրանից հետո հայտարարել, թե հավատարիմ ես արցախայության հանդեպ առաջնորդական ուխտին։
Պետրոս առաքյալը մինչև աքաղաղի կանչելը 3 անգամ ուրացավ Հիսուսին, դու քանի՞ դիրքորոշում ես փոխելու»։