«Հունվարից հետո իշխանական խունտան կմտնի վերջնախաղ». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան էջում գրում է. «Հունվարից հետո իշխանական խունտան կմտնի վերջնախաղ, և նման հարցերը պալատականներին, թե՝ «Որտեղ Նիկոլը գնում է, դուք պետք է գնա՞ք, Նիկոլն ի՞նչ անի, դուք պետք է կրկնե՞ք, ի՞նչ ասի, պետք է անե՞ք» կիմաստազրկվեն։
Այո՛, նրանք պատրաստ են կրոնապետի հետ հեծանիվ քշել, կեղծ, «անմահ», անսուրբ, բողոքական, ավետարանչական թեկուզ կաթոլիկ պատարագների մասնակցել, անգամ հեթանոսական ծեսեր Գառնիում բեմականացնել, ավելին՝ Լուսինե Զաքարյանից ավելի հզոր ձայնով դայլայլել եկեղեցիկան երգչախմբում և ընտրական շտաբերում, պարան ցատկել, հալամուլա և «կլաս» խաղալ, իսկ վերջում ավանդական հավալա, երբ սկսում է մեկը մյուսի վրայից թռնել, իսկ պարտության դեպքում բոլորը խուճապահար կփորձեն թռնել մեկի վրայից, բայց այդ մեկը դա գիտի և կոմպրոմատները (կեղտագրերը) պահում է թևի տակ շատ պինդ, որպեսզի ո՛չ ոք չշեղվի նիկոլիզմի ուղղափառ հավատից»։