«Այս որոշումը՝ «Մինսկի խմբերով» կլինի, թե առանց, կյանքի կոչել է պետք»․ Ալվինա Աղաբաբյան

Ռազմավարական հետազոտությունների հայկական կենտրոնի ղեկավար Ալվինա Աղաբաբյանը ֆեյսբուքյան էջում գրում է․ «Ընդհանուր մեդիաաղմուկի մեջ թշնամու հերթական՝ սիմվոլիզմով օծուն հաղթանակը։
Այսօր ավարտեց ԵԱՀԿ Մինսկի գործընթացի և դրա հետ կապված կառույցների փակումը։
Ճիշտ այն օրը, երբ դրանից 36 տարի առաջ՝ 1989-ի դեկտեմբերի 1-ին Հայկական ԽՍՀ Գերագույն խորհուրդը և Լեռնային Ղարաբաղի Ազգային խորհուրդը համատեղ ընդունեցին մեր նորագույն պատմության մեջ թերևս ամենաանկյունաքարային որոշումը՝ հռչակելով ՀԽՍՀ և ԼՂ վերամիավորումը։
Եթե մենք մնանք որպես պետություն և լինենք առհասարակ, այս որոշումը՝ «Մինսկի խմբերով» կլինի, թե առանց դրանց, կյանքի կոչել է պետք, կյանքի կոչելուց հետո էլ՝ տեր լինել, եթե, իհարկե, ուզում ենք շարունակել լինել ու լինել արժանապատվորեն, ոչ թե էսօրվա պես․․․»։