«Սատարում եմ եկեղեցուն, քանի որ Ալիևը մտադիր է քանդել մեր ինքնության պատվարները»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Հայ առաքելական եկեղեցու առաջիկա եպիսկոպոսական ժողովը կարևոր է ոչ միայն եկեղեցու, այլև՝ Հայաստանի ապագայի համար։
Գարեգին 2-րդ կաթողիկոսն ամեն կերպ փորձում էր խույս տալ Նիկոլ Փաշինյանի հետ առճակատումից, սակայն նախնական վիճակին չի կարող վերադարձ լինել, երբ Փաշինյանը բացահայտել, պայթեցրել է եկեղեցում ունեցած իր բոլոր ականները։ Նախկինում փաստերով քննադատել եմ կաթողիկոսի գործունեությունը, եկեղեցու բարեփոխման առաջարկներ արել, սակայն կանգնած եմ եկեղեցու թիկունքին, բարեփոխումն էլ եկեղեցին ավելի հանգիստ ժամանակ ինքը կանի։ Սատարում եմ եկեղեցուն, քանի որ Իլհամ Ալիևն իրականում մտադիր է քանդել մեր պետությունը, ավիրել մեր ինքնության պատվարները, որի մեջ գլխավորը Հայ Առաքելական եկեղեցին է»։