«Ես վախենում են անուղեղ և անդեմ մարդուց»․ Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Շրջիկ կրկեսը մտել է եկեղեցի
Շրջիկ կրկեսը մտել է ոչ միայն եկեղեցի և պատարագի է գնում այլև՝ մտել է քաղաքականություն։
Արդեն ութ տարի դարձել ենք այդ կրկեսի տխուր հանդիսատեսը։
Ոչ մեկիս ծիծաղը չի գալիս, ոչ մի նորմալ մարդ չի զվարճանում այս ծաղրածուների, այս վարժեցնողների՝ դրիսերովշիկների ու animal trainers-ների ծամածռություններից։
Մենք ջղային ենք ու լաց ենք լինում, որովհետև շրջիկ թափառախումբն արդեն ութ տարի իր թաթը դրել է մեր պետական բոլոր համակարգերի վրա, քանդում է, ծաղրում, ոչնչացնում և թաղում։ Արցախի կորուստը և տղերքի մահերը հավերժ դրանց մեղքի ամենամեծ բաժինն են մնալու, իրենց նիկոլին արժանի ծաղրածուների։
Նայում եմ Սուրբ Սարգիս եկեղեցու կիրակնօրյա պատարագի «բերվածների» պահվածքը դրսում, «դուխով վարչապետասիրությունը», դրանց ծափերը, դրանց «պարապած» նախադասությունները, վարձու ժպիտները և սարսափում եմ։
Մի՞թե իրենք ևս դպրոց են գնացել, հայոց այբուբեն են սերտել, հայոց պատմություն են ուսանել, համաշխարհային գրականությունից ինչ-որ բան են թերթել, մի՞թե իրենք ևս մկրտվել են նույն այդ եկեղեցում, մի՞թե հայոց բանակ որդի և եղբայր են ճանապարհել, մի՞թե իրենց հարազատի մահն են սգացել, իրենց թոռների համար Թումանյանի և Աղայանի հեքիաթներն են պատմել, մի՞թե դրանք «Սասուցի Դավիթ» էպոսից ինչ-որ բան են կարդացել, մի՞թե դրանց ինչ-որ մեկը սիրո խոստովանություն է արել։
Կարծում եմ՝ էս սիրուն բաները դրանց կյանքում չեն եղել, դրա համար էլ այդպես չար են ու նախանձ, այդպես հիմար և անատամ, այդպես՝ ոչ մի բան։ Դրանք ծնվել են և ստրուկի պես բերանները բաց սպասել են, թե ով ինչ կնետի, որ համփ անեն։
Ու ես չեմ ուզում ընդունել սրանց «ընտրությունը»։ Ես չեմ ուզում ընդունել, որ նորմալ մարդու, քաղաքացու երեխան ապրի սրանց մեջ, շփվի սրանց երեխաների հետ։
Ես մերժում եմ սրանց տեսակը։
Ես վախենում եմ էս տեսակից։
Ես վախենում են անուղեղ և անդեմ մարդուց։
Դրանք բոլոր իրավիճակներում կան և մնալու են շրջիկ ծաղրածուներ, շրջիկ մասսա, և՝ ապականելու են միջավայրը։ և չհամարձակվեք ինձ մարդատյաց համարել, իմ ատելությունը և բարկությունը ոչ թե ՄԱՐԴՈՒՆ է ուղղված, այլ այս չմարդերին։
Եվ այս տեսակների պայքարում ՄԱՐԴԸ պարտավոր է հաղթել»։