«Շինարարական ընկերություննե՛ր, ո՞ւմ առողջության հաշվին եք փող աշխատում». Գառնիկ Դանիելյան

Օդի աղտոտվածության վերաբերյալ ելույթում ընդդիմադիր խմբակցության պատգամավոր Գառնիկ Դանիելյանն ասաց. «Երևանում չպիտի լինեն գործարաններ, որ ֆիլտրեր չեն տեղադրում: Երևանում ավազի հանք է գործում, ժողովո՛ւրդ: Երևանի ներսում բեռնատարները բաց, ավազը բեռնած երթևեկում են: Ո՞ւր են համապատասխան ծառայությունները»: Պատգամավորի խոսքով՝ լավ է, որ 300 շինթույլտվություն կա, բայց չպետք է՝ ով ինչ ուզի, անի. «Փող են աշխատում՝ ո՞ւմ առողջության հաշվին: Պտի տուգանվեն: Ոչ մեկի առողջության հաշվին իրավունք չունեն փող աշխատելու: Ցանցեր չտեղադրելու համար ոչ թե մի քանի տասնյակ հազարական տուգանվեն, այլ շատ»,- հավելեց նա: