Չորեքշաբթի, 08 հուլիսի, 2026 թ.
|
Ստեփանակերտում`   +19 °C

Թրամփը հայտարարել է, որ արժանի է Նոբելյան մրցանակի իր կողմից լուծված յուրաքանչյուր հակամարտության համար

Թրամփը հայտարարել է, որ արժանի է Նոբելյան մրցանակի իր կողմից լուծված յուրաքանչյուր հակամարտության համար
1871
Երեքշաբթի, 02 դեկտեմբերի, 2025 թ., 23:47

ԱՄՆ-ի նախագահ Դոնալդ Թրամփը կարծում է, որ արժանի է մեկական Նոբելյան խաղաղության մրցանակի իր կողմից լուծվող յուրաքանչյուր հակամարտության համար։ Նա այս մասին հայտարարել է կաբինետի նիստում:
«Ասում են՝ եթե նա երբևէ դադարեցնի պատերազմը Ռուսաստանի և Ուկրաինայի հետ, նա կստանա Նոբելյան մրցանակը։ Հապա ի՞նչ կասեք մյուս ութ պատերազմների, Հնդկաստանի և Պակիստանի մասին»,- հարցրել է նա։

Թրամփը հավելել է, որ ինքը «պետք է մրցանակ ստանա իր կողմից լուծվող յուրաքանչյուր պատերազմի համար», բայց չի ցանկանում, որ նման որոշումներ կայացվեն։ Նախագահի խոսքով՝ նա չի ցանկանում ագահ լինել։

Հոկտեմբերի 10-ին Նոբելյան կոմիտեն հայտարարել է, որ Խաղաղության մրցանակը շնորհվել է Վենեսուելայի ընդդիմության առաջնորդ Մարիա Կորինե Մաչադոյին՝ «Վենեսուելայի ժողովրդի ժողովրդավարական իրավունքների առաջխաղացմանն ուղղված իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելու համար իր պայքարի համար»։

Ավելի վաղ ԱՄՆ-ն հայտնել էր, որ Նոբելյան մրցանակը և «Տարվա մարդ» մրցանակը դեռևս կարևոր են Թրամփի համար։