«Արցախի հարցը մեզ համար մի լուծում ուներ»․ Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը․ «Առնվազն 2001թ․ Քի Ուեսթի ձախողումից հետո ակնհայտ էր, որ Արցախի հարցը բանակցային լուծում չունի։ Հարցը մեզ համար մի լուծում ուներ՝ պաշտպանական գծերի կառուցում և վերակառուցում, առնվազն 50 հազար հավելյալ բնակիչ Հադրութից Արաքս ընկած հատվածներում։ Եթե այս տարրական խնդիրը հայությունը չի կարողացել ապահովել, ի՞նչ իմաստ ունի բանակցային այս կամ այն փաստաթուղթը քննարկել։ Եթե տապալել ենք վերաբնակեցումը, պաշտպանական գծերի/ամրաշինական կառույցների կառուցումը, պատերազմի կառավարումը, իմաստը ո՞րն է քննարկելու՝ ո՞վ է ավելի շատ ձախողել։ Հայությունն է ձախողել։ Որ չկարողացավ այս խնդիրներն իրակակցնելու ունակ իշխանություններ ձևավորել և չկարողացավ ևս 50 հազար հայրենասեր հայ գտնել՝ ազգային նպատակի հաղթանակի համար, Արցախում ապրելու, արարելու, հարստություն ստեղծելու համար»։