Հինգշաբթի, 16 հուլիսի, 2026 թ.
|
Ստեփանակերտում`   +22 °C

Ուիթքոֆը և Քուշները կհանդիպեն Ռուստեմ Ումերովի հետ. AP

Ուիթքոֆը և Քուշները կհանդիպեն Ռուստեմ Ումերովի հետ. AP
1124
Հինգշաբթի, 04 դեկտեմբերի, 2025 թ., 11:48

Միացյալ Նահանգների նախագահի հատուկ բանագնաց Սթիվ Ուիթքոֆը և Դոնալդ Թրամփի փեսա, նախկին գլխավոր խորհրդական Ջարեդ Քուշները այսօր բանակցություններ կվարեն Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովի հետ, հաղորդում է Associated Press-ը՝ հղում կատարելով իր աղբյուրներին։

Աղբյուրների տեղեկությունների համաձայն՝ հանդիպումը տեղի կունենա Ֆլորիդայի նահանգում՝ Մայամիում։ Մանրամասներ չեն հաղորդվում։

Ավելի վաղ ԱՄՆ նախագահ Դոնալդ Թրամփը հայտարարել էր, որ Ուիթքոֆի և Քուշների մոտ Մոսկվա կատարած այցից տպավորություն է ստեղծվել, որ Ռուսաստանը տրամադրված է Ուկրաինայում հակամարտության կարգավորմանը:

Հիշեցնենք, որ դեկտեմբերի 2-ին Ռուսաստանի նախագահ Վլադիմիր Պուտինը Կրեմլում ընդունել է ԱՄՆ նախագահի հատուկ բանագնացներ Ուիթքոֆին և Քուշներին։