Երկուշաբթի, 09 նոյեմբերի, 2026 թ.
|
Ստեփանակերտում`   +2 °C

Եվրոմիությունը և Ղազախստանը հեշտացնում են վիզաների տրամադրման ընթացակարգերը

Եվրոմիությունը և Ղազախստանը հեշտացնում են վիզաների տրամադրման ընթացակարգերը
780
Հինգշաբթի, 04 դեկտեմբերի, 2025 թ., 22:45

Ղազախստանը և Եվրոմիությունը սկսել են վիզաների տրամադրման դյուրացման շուրջ բանակցություններ, դեկտեմբերի 4-ին նախագահ Կասիմ-Ժոմարտ Տոկաևի հետ հանդիպումից հետո հայտարարել է Եվրոպական խորհրդի նախագահ Անտոնիո Կոշտան։

Նա հավելել է, որ համաձայնագրի ստորագրումից հետո երկու երկրների քաղաքացիների համար ավելի հեշտ կլինի հանդիպել, սովորել, բիզնեսով զբաղվել և ներդրումներ կատարել։ Կոշտան ապագա փաստաթուղթը անվանել է «ժողովուրդների միջև բարեկամության խորհրդանիշ»։

Տոկաևը, իր հերթին, նշել է, որ կողմերը քննարկել են տնտեսական գործընկերության հարցերի լայն շրջանակ՝ առևտրից և ներդրումներից մինչև Տրանսկասպյան (Միջին) տրանսպորտային միջանցքի համատեղ զարգացումը։ Ղազախստանը նաև պատրաստակամություն է հայտնել աջակցելու ԵՄ-ի կողմից Կենտրոնական Ասիայի համար նախատեսված 12 միլիարդ եվրոյի ներդրումային փաթեթին, որը նախատեսված է տրանսպորտի, էներգետիկայի և թվային տեխնոլոգիաների ոլորտներում նախագծերի համար։

Կարդացե՛ք նաև