«Քաղբանտարկյալների գծով նեղ մասնագիտացած դատավոր Մասիս Մելքոնյանն ու «sms-ի» գերբնական ուժը». Արեգ Սավգուլյան

ՀՀ աշխատանքի և սոցիալական հարցերի նախարարի նախկին խորհրդական Արեգ Սավգուլյանի ֆեյսբուքյան գրառումը. «#Խաչվածարժեքներ Քաղբանտարկյալների գծով նեղ մասնագիտացած, «վաստակաշատ» դատավոր Մասիս Մելքոնյանն է, որը քննելու է Արշակ սրբազանի կալանքի միջնորդությունը, մինչ այդ նա բավարարել է Բագրատ սրբազանի, Արքեպիսկոպոս Միքայել Աջապահյանի բանտարկման «հրամանագրերը»։ Օրինակ ինչպե՞ս է սույն դատավորը կռահում, ո՞ր դեպքում ինչպիսի որոշում կայացնել։ Այո՛, իրավացի եք, «sms-ի» գերբնական ուժը։
Մինչ այդ Քննչական կոմիտեի փորձագիտական եզրակացության մեջ, որը գրվել է 15 րոպեում, արձանագրված կլինի, որ «Նոր Հայաստան, նոր Հայրապետ» շարժման անդամի պայուսակում հայտնաբերված և 7 տարի խնամքով պահված դեղնականաչավուն խեժանման զանգվածն ընդամենը խունկ էր, ոչ թե պլան, որը ապացուցվել է ՔԿ-ի զուգարանում ձախ քթանցքով նմուշառում կատարելիս։
Բայց դրան ո՞վ ուշադրություն կդարձնի, երբ արդարադատությունը վերածվել է բոքսի տանձիկի, իսկ դատավոր Մասիսը՝ ՔՊ-ական շարքային բռնցքամարտիկի»։