«Ճարտարապետ Սարգիս Գուրզադյանի ընտանիքի անունից փաստում եմ՝ ոչ մի անգամ չեք ունեցել մեր աջակցությունը»․ Մարիամ Գուրզադյան

Ճարտարապետ Սարգիս Գուրզադյանի թոռնուհին՝ Մարիամ Գուրզադյանը, արձագանքելով Տիգրան Ավինյանի «Կասկադ» համալիրի վերակառուցման ծրագրի մասին գրառմանը, ֆեյսբուքյան էջում գրել է․ «Ճարտարապետ Սարգիս Գուրզադյանի ընտանիքի անունից փաստում եմ, որ ոչ մի անգամ չեք ունեցել ընտանիքիս աջակցությունը այս հարցի վերաբերյալ։ Մենք պնդել ենք և շարունակում ենք պնդել, որ Կասկադը պետք է ավարտին հասցվեր միայն նախնական հեղինակային նախագծի հիման վրա։
Չարժե իրականությանը չհամապատասխանող տեղեկություն տարածել։ Ես մեկ անգամ չէ, որ բարձրաձայնել ու ներկայացրել եմ մեր դիրքորոշումը, ուրիշ բան, որ երբեք չեմ հավատացել, որ դա կարող ա որևէ կշիռ ունենալ։
Ու հա, փառք Աստծո, որ պապիկս էս ամեն ինչը չի տեսնում»։