«Արշակ Սրբազանը ձերբակալվել է անհիմն և շինծու մեղադրանքով»․ Գարեգին Բ

«Տեղեկացանք ցավալի լուրի մասին, որ Արշակ Սրբազանը ձերբակալվել է անհիմն և շինծու մեղադրանքով, և հետո պատվիրյալ արդարադատությամբ նրա համար սահմանվել է 2-ամսյա կալանք»,- այս մասին օդանավակայանում դիմելով հավաքված քաղաքացիներին՝ նշեց Ամենայն Հայոց Կաթողիկոս Գարեգին Երկրորդը։

«Մենք գիտենք, որ իրենց քաջարի ոգով մեր սրբազանները աննկուն են և քաջաբար դիմագրավում են բոլոր դժվարությունները՝ իրենց բաժին ընկած, հաստատուն հավատքով, որ արդարությունը պետք է հաղթանակի իրենց կյանքում, և իրենք արդարացված դուրս պիտի գան, ազատ պիտի արձակվեն և վերադառնան եկեղեցանվեր ու ազգաշեն իրենց ծառայությանը»,- նշեց Վեհափառը։