«Վատը աղմկոտ է, բայց լավը շատ է». Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը. «Որպես ՀՀ քաղաքացի եւ Հայ Առաքելական եկեղեցու հետեւորդ՝ ես շնորհակալ եմ սկզունքային հոգեւորականներին, որոնք, ի հեճուկս իրենց դեմ գործադրվող ճնշումներին, մնում եմ հավատարիմ իրենց հոգեւոր ծառայությանը, Մայր Աթոռին, եկեղեցական կանոնական կարգին, հայոց պետությանը, ինքնությանը եւ իրենց խղճին։
Ուրացողները մի օր հայտնվելու են պատմության «չուլանանոցում»։ Մեր պետությունն ունենալու է լուսավոր ապագա, իսկ դա լինելու է սկզբունքային, չվաճառվող ու անկախ պետականության արժեքը գիտակցողների համառության շնորհիվ:
Ցավոք, ներկայումս վատը աղմկոտ է, խրախուսվում է պետական մակարդակով, բայց լավը շատ է, երբեմն լուռ, բայց նման պահերին՝ ամենից խոսուն…»: