Տաթև Սարգսյանցն ու Մանյա Ղազարյանը պատմել են` ինչպես են մտել Յոթ վերք ու հնչեցրել կաթողիկոսի ու թեմի առաջնորդի անունները

Շիրակի թեմի երիտասարդաց միության անդամներ Տաթև Սարգսյանցն ու Մանյա Ղազարյանը «Ազատությանը» պատմել են, թե ինչպես է այսօր իրենց հաջողվել Գյումրիի Յոթ Վերք եկեղեցու երգչախմբի հատվածից բարձրաձայն հնչեցնել կաթողիկոսի ու թեմի առաջնորդի անուններն ու աննկատ մնալ հսկող իրավապահներից։
Ինչպես հայտնել ենք, Փաշինյանի ներկայությամբ այսօր պատարագ է մատուցվել Յոթ Վերքում, զեղչվել են Գարեգին Երկրորդ վեհափառի և Միքայել արքեպիսկոպոս Աջապահյանի անունները:

Տաթև Սարգսյանցն ու Մանյա Ղազարյանը, սակայն, պատարագի ընթացքում հնչեցրել են Վեհափառի ու կալանավորված արքեպիսկոպոսի անուններն ու դուրս չեն բերվել Յոթ Վերքից: Բայց եկեղեցու ներսում կաթողիկոսի անունը հնչեցրած մի քաղաքացու դուրս են բերել եկեղեցուց: