Շվեյցարիայի բնակիչների կեսը կողմ է արտահայտվել բնակչության թվի սահմանափակմանը

Tamedia/20 Minuten-ի հարցման համաձայն՝ Շվեյցարիայի քաղաքացիների գրեթե 50%-ը կողմ է երկրի բնակչությունը 10 միլիոնով սահմանափակելուն։ Նոյեմբերի 27-30-ն ընկած ժամանակահատվածում հարցում է անցկացվել 10,917 քաղաքացու շրջանում:

Նախաձեռնությունը ներկայացրել է Շվեյցարիայի ժողովրդական կուսակցությունը, որը դեմ է ներգաղթին և պնդում է, որ բնակչության արագ աճը ծանրաբեռնում է բնակարանային, տրանսպորտային և կոմունալ ծառայությունների շուկաները։

Առաջարկին աջակցում է բնակչության 48%-ը («այո» և «հիմնականում այո» կատեգորիաներ)։ Հարցվածների 41%-ը դեմ է («ոչ» և «հիմնականում ոչ» կատեգորիաներ)։

Bloomberg-ը հաղորդում է, որ Շվեյցարիայի ներկայիս բնակչությունը մի փոքր ավելի 9 միլիոնից։ Ժողովրդական կուսակցությունն ապահովել է քվեարկությունը՝ հավաքելով ավելի քան 100,000 ստորագրություն։

Ֆինանսների նախարար Կարին Քելլեր-Սութթերը, սակայն, զգուշացրել է, որ նման նախաձեռնությունը կարող է «վտանգավոր» լինել։ Նախարարը նշել է, որ երբ մարդիկ խոսում են ներգաղթի մասին, նկատի ունեն ապաստան փնտրողներին։ «Նրանք նկատի չունեն մեզ անհրաժեշտ որակյալ հիվանդանոցային անձնակազմն ու բժիշկները։ Մենք չէինք կարող գործել առանց նրանց», - ասաց նա։