«Անթիլիասն այդ քաջությունն ունեցած է և ունի` ո՛չ ասելու». Արամ Ա

Երբ Հայաստանում անարդարություն է կատարվում, Անթիլիասը ո՛չ է ասում։ Այս մասին այսօր Կիպրոսում պատարագի ժամանակ ասել է Մեծի Տանն Կիլիկիո կաթողիկոս Արամ Ա-ն:

«Երբ Հայաստանում արժեքներն են արհամարհվում և խորհրդանիշներն են անտեսվում, Անթիլիասը ո՛չ է ասում և ո՛չ է ասել միշտ: Երբ Հայաստանում եկեղեցին ու եկեղեցականները տեսակ-տեսակ հալածանքների և ձերբակալությունների են ենթարկվում, Անթիլիասը այդ քաջությունը ունեցած է և ունի ո՛չ ասելու: Երբ Հայաստանում, ի վնաս մեր ժողովրդի շահերի, համազգային մեր գերագույն իդեալները անտեսվում են, Անթիլիասը ո՛չ է ասել և ո՛չ պիտի ասի»,- նշել է նա: