«Որևէ վատ զարգացում իշխանության համար էժան չի արժենալու». Բորիս Մուրազի

«Այս իշխանություններն անտարբեր են Միքայել Սրբազանի առողջության նկատմամբ: Առերևույթ, իշխանությունը ցանկանում է սպանել այդ մարդուն»,- «5-րդ ալիք»-ի եթերում ասել է լրագրող Բորիս Մուրազին՝ անդրադառնալով Միքայել Սրբազանի առողջական վիճակին և իշխանությունների՝ այդ ուղղությամբ քայլերին: «Անընդհատ պետք է խոսեն մարդիկ այդ մասին, ինչ-որ ակցիաներ պետք է լինեն, իշխանություններին պետք է անհարմարություն պատճառել: Երբ հանրային արձագանք լինի, իշխանությունը կհասկանա, որ որևէ վատ զարգացում իրենց համար էժան չի արժենալու: Իրականում հանրային արձագանք կա, բայց երբ հանրային լայն արձագանք լինի, իշխանությունը հասկանալու է, որ եթե որևէ բան պատահի Միքայել Սրբազանին, ապա այդ հանրային դժգոհությունը շատ ուղիղ իրենց հարվածելու է»,- հավելել է նա: