«Նրան կնախանձեին աշխարհի ամենահայտնի աճպարարները»․ Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը․ «Նիկոլը հանճար է։ Նա այնպես է կարողանում գեներացնել հայության էթնոհոգեբանության մեջ առկա աղտերը, այնպես է կարողանում հմտորեն մեկին մյուսի դեմ լարել, և արդյունքում իր սև գործն անել, որ նրան կնախանձեին աշխարհի ամենահայտնի աճպարարները, աշխարհի ամենախարդախ ստախոսներն անգամ։ Նա այնպիսի թատրոն է բեմադրում, որի մեջ թե՛ դերասաններն են գոհ ու հագեցած, թե՝ հանդիսատեսը, որը հնարավորություն ունի մերթ՝ սուլել, մերթ՝ ծափահարել, մերթ՝ հայհոյել․․․
Արդյունքում, թվում է՝ հայաստանյան հասարակությունը գերհագեցած է քաղաքականությամբ։ Բայց․․․ դա թվում է։ Հայաստանյան հասարակությունը մոլորված է․․․ Հայաստանյան հասարակությունը ընդամենը ակամայից Նիկոլի բեմադրած ներկայացման երրորդական դերակատարն է։
Առավոտից հանրության մի մասը հայհոյում է Նիկոլին։ Մյուս մասը՝ հայհոյում է Նիկոլ հայհոյողներին։ Քաղաքական ակտիվության դրսևորումները սրանով ավարտվում են։ Մինչև՝ հաջորդ խայծը․․․
Եվ հեչ մեկի բանջարաբոստանային կուլտուրաներին չէ, որ մենք հայրենազրկվել ենք, որ Արցախ կորցրինք, ցեղասպանվեցինք, որ պատիվ ու արժանապատվություն կորցրինք․․․ Դա հեչ․․․
Բոլորը հուզված են, թե Նիկոլը մտածում է եկեղեցում եռագույն դրոշ դնել կամ՝ պատարագից առաջ հիմն հնչեցնել։
Մարդիկ գիտեմ (ներեցեք, նմանին մարդ կոչելու համար), որ բերանը փրփուր արած՝ Նիկոլ էր արդարացնում, պաշտպանում, 2020-ի պատերազմից հետո։ Բայց էսօր «ազգի փրկիչ» է խաղում, իր սուրբ եկեղեցին Նիկոլից փրկելու համար։
Ի դեպ․ երեկ գրառումներ աչքովս ընկան, ուր զատո աշխարհի ամմմմենահավատացյալները կոչ էին անում․․․ ոչ ավել, ոչ պակաս՝ եկեղեցին փրկել պղծությունից․ պղծություն ասելով նկատի ունեին եռագույն դրոշը, ՀՀ օրհնեքը։ Ու էս հոտի հեչ խիյարին չէ, որ Արցախում արդեն թուրքի դրոշ է ծածանվում, որ մենք ամենքս դարձել ենք թուրքի ու Նիկոլի գերին։
Եվ մեկի պետքը չէ, որ երկիր է վարի գնում, որ համատարած մեռելանոց է դառնում հայրենիքը, որ ուսանողը գիրք գնելու փող չունի, որ հիվանդը մեռնում է ոչ թե նրա համար, որ փող չունի բուժվի, այլ, որ անգամ փող չունի բժշկի դիմի, որ մարդիկ սովամահ են լինում, թշվառություն ու աղքատությունը համատարած են դառնում․․․
Այս բաները՝ հեչ․ բայց բոլորին հուզում է, թե ով ում քեռեկնկան դոմփեց, ով է կույս, ով կույս չէ․․․
Նիկոլն իսկապես հանճար է։ Նա վեր հանեց մեր հանրային էթնոհոգեբանության ամբողջ բացերը, վեր հանեց և օգտվում է դրանից։ Իսկ քաղաքական ուժերը, նրա հետ գործակից, նրա հետ հանցակից, իբր, ընդդիմություն խաղացող սրբերը հեչ լավը չեն, քան իրենց բեմադրիչ Նիկոլը։ Իսկ զատո աշխարհի ամենա-ամենա խելոք էթնոսը այդպես էլ չի ուզում գիտակցի, որ իրեն հերթական անգամ գայթակղելով սպանդանոց են տանում։
Աղոթեք, եկեղեցին փրկեք ազգային դրոշի և օրհներքի պղծությունից, քեռեկանանց փրկեք սանձարձակ տերտերներից, սրա-նրա կուսությունը քննարկեք, տեսնենք թուրքերը ոնց են մեր երկրին տեր լինում»։