«Սա ձեզ համար Նիժնի Երուսաղեմը չի»․ Նարեկ Մալյան

Հասարակական գործիչ Նարեկ Մալյանի ֆեյսբուքյան գրառումը․ «Իմիջայլոց, ժամանակն է պարզել, թե արդյո՞ք ՀԴՄ կտրոն տրամադրվել է «խորհրդավոր ընթրիքի» հաշիվը փակելիս: Ինչու է Հուդան հանցագործության մասին հաղորդում ներկայացրել ոչ թե ազդարար կայքի միջոցով, այլ համբույրով: Արդյո՞ք 30 արծաթից պատշաճ կերպով պահվել է 10% շրջհարկ: Մոգերը իրենց ընծաները մաքսազերծե՞լ էին, Քրիստոսի կողմից ժողովրդին հաց և ձուկ բաժանելու դրվագը արդյո՞ք ընտրակաշառքի տարրեր չէր պարունակում, կամ ի՞նչ է նշանակում Քրիստոսի ձերբակալության ժամանակ նրա ճեպազրույցի այս հատվածը՝ մեջբերում եմ.
«ով սուր վերցնի, սրով էլ կընկնի»: Սա ակնհայտ սպառնալիք է: Հարգելիս, դու խոսում ես պետության մասին: Սա ձեզ համար Նիժնի Երուսաղեմը չի: Պետության համը դեռ կզգաս…
Սրանք հարցեր են, որոնց նախկինները խուսափում էին պատասխանել, կամ ուղղակի լռում էին: Մեր թավշյա, ժողովրդական հեղափոխությունը նաև այդ հարցերի պատասխանները ստանալու համար էր:
Ի դեպ, երկնային արքայության սահմանազատման հանձնաժողովում, իմ առաջարկով, կներառվի Դանիել Իոաննիսյանը: Նրա դռոնով մենք կսահմանազատենք և կվերականգնենք ադրբեջանի երկնային արքայության տարածքային ամբողջականությունը»: