«ԵՄ-ի և Հայաստանի միջև կնքված փաստաթուղթն ուղղակիորեն հակասում է խաղաղության գործընթացին»․ Ադրբեջանի ԱԳՆ

Անընդունելի է, որ այս երկկողմ փաստաթուղթը, որը սահմանում է ԵՄ-ի և Հայաստանի միջև հարաբերությունների ռազմավարական առաջնահերթությունները հաջորդ յոթ տարիների համար, ուշադրություն է դարձնում Ադրբեջանին վերաբերող հարցերին, ինչը, իր հերթին, բացասաբար է անդրադառնում Ադրբեջանի և Եվրոմիության միջև հարաբերությունների հեռանկարների վրա։ Այս մասին ասվում է Ադրբեջանի արտաքին գործերի նախարարության մեկնաբանության մեջ՝ Եվրոպական Միության և Հայաստանի միջև ստորագրված «ԵՄ-ՀՀ գործընկերության ռազմավարական օրակարգ» փաստաթղթի վերաբերյալ։

Նշվում է, որ հաշվի առնելով հավակնությունների վերացումը Վաշինգթոնում նախաստորագրված խաղաղության համաձայնագրում, այս հարցի հիշատակումը ԵՄ-ի և Հայաստանի միջև փաստաթղթում ուղղակիորեն հակասում է խաղաղության գործընթացին և լուրջ հարցեր է առաջացնում հայկական կողմի հայտարարած մտադրությունների վերաբերյալ։