Ուրբաթ, 12 դեկտեմբերի, 2025 թ.
|
Ստեփանակերտում`   +8 °C

«Մեքենան կրկին ու վերջնական թալանվել է»․ Տիգրան Աբրահամյան

«Մեքենան կրկին ու վերջնական թալանվել է»․ Տիգրան Աբրահամյան
156
Այսօր, 10:18

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը. «2.5 ամիս առաջ գրել էի, թե ինչպես են մեքենաները տարբեր պատճառներով հայտնվում ՆԳՆ տուգանային հրապարակներում և թալանվում:
Կոնկրետ դեպքով էի գրել ու այդ ժամանակ նշածս մեքենան արդեն 10 ամիս ՆԳՆ Աբովյանի ոստիկանության տուգանային հրապարակում էր ու այդ ընթացքում պետհամարանիշից սկսած թալանվել էր:
Գրառումիցս հետո 2.5 ամիս է անցել, սակայն քննչականն ու ոստիկանությունը տեղից շարժվելու փոխարեն շարունակում են հանցավոր անգործություն դրսևորել, իսկ նշածս մեքենան, որի տուգանային հրապարակում գտնվելու արդեն մեկ տարին է լրանում, կրկին ու վերջնական թալանվել է:
Ոստիկանությունն ու քննչականը 15 րոպե ժամանակ չեն գտնում՝ ընդդիմադիր գործիչների, հոգևորականների, մեդիայի ներկայացուցիչների դեմ ապօրինի գործողություններից մի պահ դադար վերցնելու և զբաղվելու իրենց իրական գործառույթներով:
Սա է պետական համակարգի պատկերն ու սրանց փուչիկ խոստումների արդյունքը»:

Տուգանային հրապարակում թալանված մեքենան
Տուգանային հրապարակում թալանված մեքենան
Տուգանային հրապարակում թալանված մեքենան
Տուգանային հրապարակում թալանված մեքենան