«Հենց Լուսավորչի ու Օձնեցու գահին հավատարիմ մնալու առաքելության գիտակցումով Վեհափառը չի տրվում սադրանքների»․ Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը. «Եվ Գրիգոր Լուսավորիչը, և Հովհան Օձնեցին կաթողիկոսական գահը թողել են կամավոր, այլ ոչ աշխարհիկ իշխանության պահանջով։
Վերջին օրերին հրապարակ է նետվում մի կեղծ թեզ, ըստ որի Վեհափառի «հանգստի կոչվելու» կամ հրաժարական տալու մեջ արտառոց բան չկա, քանի որ նույնիսկ Գրիգոր Լուսավորիչն ու Հովհան Օձնեցին են հեռացել կաթողիկոսական գահից։
Լավ, չե՞ք ամաչում նման մանիպուլյացիա անելով։
Գրիգոր Լուսավորչին կամ Հովհան Օձնեցուն աշխարհիկ իշխանությունն ավազանի անունով ե՞րբ է դիմել։
Որևէ իշխանավոր Լուսավորչի ու Օձնեցու հրաժական չի պահանջել։
Եվ Լուսավորիչը, և Օձնեցին կաթողիկոսական գահից հեռացել են սեփական նախաձեռնությամբ։
Հենց Լուսավորչի ու Օձնեցու գահին հավատարիմ մնալու առաքելության գիտակցումով Գարեգին Բ Վեհափառը մնում է անդրդվելի ու չի տրվում սադրանքների։
Աստված պահապան մեր Եկեղեցուն ու Վեհափառին։
Սա էլ կանցնի․․․»։