«Աշխարհի ամենաուժեղ կոմեդիաները չեն կարող մրցել այն ֆարսի հետ, որն այս իշխանությունն է բեմադրում». Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը. «Մերօրյա իրականության մեջ, երբ պետությունն ու հասարակության մի զգալի հատված ապրում են առավելագույնը մեկօրյա ռիթմով և հիշողությամբ, շատ իրական իրադարձություններ ուղղակի դուրս են մնում մեր ուշադրությունից կամ չեն դառնում առաջնային թեմաներ:
Երեկվա դատարկ ու արհեստական աղմուկի մեջ շատերի ուշադրությունից դուրս մնաց ամենակարևոր ու ամենախոսուն դրվագը․ «դատարանի» որոշմամբ ազատ արձակվեցին Միհրան Հակոբյանի վրա թիկունքից հարձակված անձինք։ Մեկ օր առաջ դեռ զարմանում էինք, թե ինչպես են այդ գործով ընդհանրապես մարդիկ ձերբակալվել։ Բայց երեկվա որոշումից հետո ամեն ինչ ստացավ իր իրական և սպասելի բացատրությունը։
Եթե հարձակվողները իշխանական միջավայրի հետ որևէ առնչություն չունենային, դա վաղուց կդառնար «արդարադատության» ցուցադրական պատմության «օրինակ»։ Բայց երբ գործ ունես ակնհայտ քաղաքական պատվերի հետ, արդյունքն այլ կերպ չէր էլ կարող լինել:
Աշխարհի ամենաուժեղ կոմեդիաներն անգամ չեն կարող մրցել այն ֆարսի հետ, որը այս իշխանությունն է բեմադրում սեփական քայլերով»: