«Փարիզում Երևանից շատ ավելի համեստ տոնակատարություններ են»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Երբ խոսում են քաղաքային կառավարման մասին, ես վերջին տարիների Փարիզն եմ հիշում, որն ակներև ուղղեց օդի աղտոտվածության հետ կապված լրջագույն խնդիրը (PM 2.5 մասնիկների մակարդակը 2005թ-ից նվազել է 55%, ազոտի երկօքսիդի՝ 50%)։
Փարիզում Երևանից շատ ավելի համեստ տոնակատարություններ են Ամանորին, բայց հստակ է քաղաքային իշխանության համառ կամքը, պրոֆեսիոնալիզմը (կանաչապատման ոլորտում օրինակելի՝ կանաչ կմախքի մոդել է, ոչ թե ուղղակի ծառատունկ), նպատակասլացությունն ու հետևողականությունը՝ դրված նպատակին հասնելու համար։
Մեր կենսական խնդիրներն ու կատարած ծախսերը հիշեցնում են մի ընտանիք, որտեղ երեխաները կենսական խնդիրներ ունեն, իսկ հայրը վարկերով Ռոլս-Ռոյս է գնել, որ ծոռից ծոռ մեծ պապի պարտքերը փակեն…»։