«ԱՄՆ-ում 50 տարվա ընթացքում առաջին անգամ ներգաղթյալների արտահոսք է նկատվում». Թրամփ

1140

Հինգշաբթի, 18 դեկտեմբերի, 2025 թ., 10:55

ԱՄՆ նախագահ Դոնալդ Թրամփը հայտարարել է, որ իր քաղաքականության արդյունքում ԱՄՆ-ում կես դարի ընթացքում առաջին անգամ ներգաղթյալների արտահոսք է նկատվել։

«50 տարվա ընթացքում առաջին անգամ մենք տեսնում ենք հետադարձ միգրացիա, միգրանտները վերադառնում են տուն՝ ամերիկացիների համար թողնելով ավելի շատ բնակարաններ և աշխատատեղեր»,- ասել է նա իր հայրենակիցներին ուղղված ուղերձում։

Ամերիկայի առաջնորդը բազմիցս պաշտպանել է ավելի խիստ ներգաղթային քաղաքականություն և ասել, որ մտադիր է իրականացնել ամերիկյան պատմության մեջ անօրինական ներգաղթյալների ամենամեծ արտաքսման գործողությունը։