Ուրբաթ, 19 դեկտեմբերի, 2025 թ.
|
Ստեփանակերտում`   +2 °C

«Այսօր մի բացառիկ բան կատարվեց մեր ազգում». Արմեն Հարեյան

«Այսօր մի բացառիկ բան կատարվեց մեր ազգում». Արմեն Հարեյան
116
Այսօր, 01:06

Հայ Առաքելական Եկեղեցու կիսասարկավագ Արմեն Հարեյանի ֆեյսբուքյան գրառումը՝ կից լուսանկարով․ «Այն ամենը ինչ կատարվում է Հայաստանում և Հայ ժողովրդի հետ այս օրերին, անհնար է հասկանալ ու մեկնաբանել, եթե դրանց չնայես հոգևոր տեսանկյունից։ Օրինակ, անհնար է հասկանալ, թե ինչու մենք 30 տարի առաջ հաղթեցին, ինչու 5 տարի առաջ պարտվեցինք ու հայրենիքի մի մեծ մաս կորցրինք, ինչու այդ պարտությունից հետո վերելքը չի երևում, ու ինչու են այս հարձակումները մեր մայր եկեղեցու վրա։
Իսկ պատասխանը շատ պարզ գրված է Աստվածաշնչում՝ երբ նայում ես նման բազում օրինակների, որ նկարագրված են Սուրբ Գրքում։ Մեր ազգի ահռելի մի մասը, և մենք էլ մեջը, մեղքով ենք ապրում ու շատ շատերը՝ Քրիստոս Աստծուց կտրված։ Տերը մեզ տվեց բազում հնարավորությունները, որոնք մենք վատնեցինք ու չկառուցեցինք Քրիստոսակենտրոն Սրբազան Հայաստան՝ մի բան, որին կոչված է մեր ազգը 301 թվականից սկսած։ Երբ որ մենք հետևել ենք այս կոչին, մենք ապրել ենք Ոսկե Դար, երբ հեռացել ենք՝ կորցրել են հայրենիք ու մեզ վրա են թափվել բազում պատուհասներ։
Սակայն այսօր մի բացառիկ բան կատարվեց մեր ազգում։ Հազարավոր մարդիկ ոտքի ելանք ու կարմիր գիծ քաշեցին։ Նրանք ասացին, որ պաշտպան են Քրիստոսից մեզ փոխանցված սրբազան ժառանգությանը՝ Մայր Աթոռ Սուրբ Էջմիածնին։ Հակված եմ հավատալու, որ նաև այդ բանի համար Տերը շնորհ արեց, և որևէ բախում կամ ցնցում տեղի չունեցավ։ Փառք Քրիստոս Աստծուն։
Սիրելի ժողովուրդ, դարձեք առ Աստված։ Չի կարելի անհավատ կյանք ապրել։ Աստծով ապրել՝ նշանակում է ճանաչել մեր Տեր Աստծուն և հնազանդվել նրա պատվիրաններին, այլ ոչ թէ ասել՝ Աստված իմ սրտի մեջ է ու գնաս՝ ինչ ուզենաս անես ու ասես։
Եղբայրական խոնարհումս այն բոլոր մարդկանց, ովքեր այսօր Մայր Աթոռ Սուրբ Էջմիածնում էին Քրիստոս Աստծուն սրտանց աղոթելու համար, և Աստծո օգնությունն ու շնորհը խնդրելու մեր ազգի զավակների փրկության համար։ Այսօր ձեզանից շատերը գիտակցաբար դարձ կատարեցին առ սրբություն և հաստատորեն աղոթքով պաշտպանեցին Տիրոջից մեզ ավանդվածը։ Հիմա եղբայրներ, եկեք գիտակցաբար ԴԱՐՁ կատարենք դեպի մեր Փրկիչ ու Տեր Հիսուս Քրիստոս, և Նրան հետևենք, Նրա անունը միշտ բարձրաձայն կանչենք, ու Նրան հնազանդվենք։ Եվ կգա մեր կյանքի ոսկե դարը։
Միացեք «Աստվածաշունչն Ամեն Օր» թելեգրամ-ալիքին՝ հազարավոր հայ մարդկանց հետ ամեն օր Աստվածաշունչը կարդալու և սովորելու համար։ Ալիքը գտնելու համար Թելեգրամում փնտրեք «Աստվածաշունչն Ամեն Օր»»։

Աղբյուրը`   Արմեն Հարեյան