Նեթանյահուն պատրաստվում է Թրամփի հետ քննարկել Իրանի վրա նոր հարձակումների հարցը

Իսրայելի պաշտոնյաները պատրաստվում են ԱՄՆ նախագահ Դոնալդ Թրամփին տեղեկացնել Իրանի դեմ նոր հարվածների մասին, հաղորդում է NBC News-ը՝ հղում անելով իրադրությանը ծանոթ աղբյուրին և ԱՄՆ չորս նախկին պաշտոնյաների։

Աղբյուրի փոխանցմամբ՝ Իսրայելի իշխանությունները մտահոգված են, որ Իրանը ընդլայնում է բալիստիկ հրթիռների արտադրությունը և վերականգնում ուրանի հարստացման օբյեկտները։

Դոնալդ Թրամփը և Իսրայելի վարչապետ Բենիամին Նեթանյահուն կարող են հանդիպել Ֆլորիդայի նախագահական Մար-ա-Լագո կալվածքում դեկտեմբերի վերջին: Այնտեղ Նեթանյահուն կարող է անդրադառնալ Իրանի կողմից, այդ թվում՝ Միացյալ Նահանգների համար, ներկայացվող սպառնալիքին և պահանջել անհապաղ գործողություններ: Նեթանյահուն կարող է Թրամփին ներկայացնել Իրանում նոր ռազմական գործողություններին ԱՄՆ-ի մասնակցության տարբերակներ։