«Մեզ պետք է ազգային պետություն, լիբերալ համակարգը կառուցված է վտանգավոր պատրանքի վրա». Արմեն Եղիազարյան

ԱԺ նախկին պատգամավոր Արմեն Եղիազարյանի ֆեյսբուքյան գրառումը․ «Մեզ պետք է ազգային պետություն։
Լիբերալ համակարգը կառուցված է մի վտանգավոր պատրանքի վրա․ իբր անհատի անսահման ազատությունը կարող է փոխարինել պետությանը, պատասխանատվությանը և ազգային ինքնությանը։ Արդյունքում պետությունը դատարկվում է բովանդակությունից, հասարակությունը՝ համերաշխությունից, իսկ «առաջընթացը» վերածվում է ուտոպիայի, որը շատ գեղեցիկ է բառերում, բայց քայքայիչ է իրականում։
Ազգային պետության լուծումը պետք է հիմնված լինի ոչ թե բացարձակ ազատության պատրանքի, այլ ազատության և պատասխանատվության հավասարակշռության վրա։ Այն պետք է ունենա ուժեղ, ռազմավարական մտածող պետություն, որը պաշտպանում է ազգային ինքնությունը, հավաքական շահը և սոցիալական համերաշխությունը՝ անհատի իրավունքները չվերածելով պետության ու հասարակության քայքայման գործիքի։ Ազատ մարդը կարող է գոյություն ունենալ միայն ուժեղ ազգային պետության ներսում, ոչ թե դրա հաշվին»։