Ծեծկռտուք՝ Թուրքիայի խորհրդարանում

Թուրքիայի Ազգային մեծ ժողովի պատգամավորները բախվել են 2026 թվականի պետական ​​բյուջեի քննարկման ժամանակ, հաղորդում է Hurriyet-ը։

Լրատվամիջոցի հաղորդմամբ՝ քվեարկությունից առաջ իշխող «Արդարություն և զարգացում» կուսակցության (AKP) պատգամավոր Մուստաֆա Վարանքը և ընդդիմադիր «Հանրապետական ​​ժողովրդական» կուսակցության (CHP) փոխնախագահ Մուստաֆա Էմիրը բանավեճի մեջ են մտել։ Այնուհետև խորհրդարանի ամբիոնի առջև կռիվ է սկսվել, որին միացել են նաև այլ պատգամավորներ։

2026 թվականի բյուջեի մասին օրենքն ընդունվել է․փաստաթղթին կողմ է քվեարկել 320 պատգամավոր, դեմ՝ 249-ը: