Չորեքշաբթի, 22 ապրիլի, 2026 թ.
|
Ստեփանակերտում`   +6 °C

Նիկոլ Փաշինյանը Վլադիմիր Պուտինի հետ քննարկել է TRIPP-ը

Նիկոլ Փաշինյանը Վլադիմիր Պուտինի հետ քննարկել է TRIPP-ը
674
Երկուշաբթի, 22 դեկտեմբերի, 2025 թ., 19:14

Հայաստանը կառուցողական երկկողմ բանակցություններ է վարում Միացյալ Նահանգների հետ «Թրամփի միջազգային խաղաղության և բարգավաճման ուղի» (TRIPP) նախագծի շուրջ, և հայ-ռուսական հարաբերություններում կան բազմաթիվ նրբերանգներ։ Այս մասին հայտարարել է ՀՀ վարչապետ Նիկոլ Փաշինյանը՝ Ռուսաստանի նախագահ Վլադիմիր Պուտինի հետ երկկողմ հանդիպման ժամանակ, որը տեղի է ունեցել ԱՊՀ պետությունների ղեկավարների ոչ պաշտոնական գագաթնաժողովի շրջանակներում, հաղորդում է ՏԱՍՍ-ը:

«Մենք այժմ շատ կառուցողական երկկողմ բանակցություններ ենք վարում Միացյալ Նահանգների հետ TRIPP ճանապարհի իրականացման և կառուցման վերաբերյալ։ Սրանք իսկապես նշանակալի և իմաստալից փոփոխություններ են մեր տարածաշրջանում։ Կան բազմաթիվ նրբերանգներ Ռուսաստանի Դաշնության հետ մեր երկկողմ հարաբերություններում։ Այսօր, կարծում եմ, շատ լավ հնարավորություն է՝ քննարկելու այս ամենը», - ասել է ՀՀ կառավարության ղեկավարը։

Օգոստոսի 8-ին՝ Վաշինգթոնում ԱՄՆ-ի նախագահ Դոնալդ Թրամփի հետ եռակողմ հանդիպումից հետո, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ստորագրել են համատեղ հռչակագիր Բաքվի և Երևանի միջև խաղաղ կարգավորման և Ադրբեջանի մայրցամաքային մասի ու Նախիջևանի միջև տրանսպորտային կապերի հաստատման վերաբերյալ։ Այս նախագիծը անվանվել է «Թրամփի միջազգային խաղաղության և բարգավաճման ուղի»։

Կարդացե՛ք նաև