Երկուշաբթի, 02 փետրվարի, 2026 թ.
|
Ստեփանակերտում`   +8 °C

Թողարկվել է Քրիստոֆեր Նոլանի նոր «Ոդիսական» ֆիլմի առաջին թրեյլերը 

Թողարկվել է Քրիստոֆեր Նոլանի նոր «Ոդիսական» ֆիլմի առաջին թրեյլերը 
8472
Երեքշաբթի, 23 դեկտեմբերի, 2025 թ., 21:43

Հրապարակվել է Քրիստոֆեր Նոլանի՝ Հոմերոսի «Ոդիսական»-ի հիման վրա նկարահանված գեղարվեստական ​​ֆիլմի առաջին թրեյլերը։ Չնայած ֆիլմի պրեմիերան դեռ չի կայացել, որոշ կինոթատրոնների ցանցերում ցուցադրությունների տոմսերն արդեն ամբողջությամբ վաճառվել են:
Սյուժեն կենտրոնանում է Իթակեի թագավոր Ոդիսևսի պատմության վրա, որի դերը մարմնավորում է Մեթ Դեյմոնը։ Տրոյական պատերազմից հետո նա փորձում է իր զինվորների հետ վերադառնալ հայրենիք։

Գործողությունները ծավալվում են վտանգավոր ծովերում, որտեղ նա հանդիպում է կիկլոպ Պոլիփեմոսին, սիրեններին, հավերժահարս Կալիպսոյին և կախարդուհի Կիրկեին։ Հրապարակված թրեյլերում ներկայացված են օվկիանոսի և նավաբեկությունների հետ կապված լայնածավալ տեսարաններ, սակայն առասպելական արարածները ներկայացված են հատվածներով։ Ֆիլմում գլխավոր հերոսի որդու՝ Տելեմաքոսի դերում նկարահանվել են Թոմ Հոլանդը, իսկ նրա կնոջ՝ Պենելոպեի դերում՝ Անն Հեթուեյը։ Դերասանական կազմում են նաև Զենդայան, Ռոբերտ Փեթինսոնը, Շարլիզ Թերոնը և ուրիշներ։

«Ոդիսականը» կինեմատոգրաֆիայի պատմության մեջ առաջին ֆիլմն է, որն ամբողջությամբ նկարահանվել է IMAX տեսախցիկներով: Պրեմիերան նախատեսված է 2026 թվականի հուլիսի 17-ին:

Թողարկվել է Քրիստոֆեր Նոլանի նոր «Ոդիսական» ֆիլմի առաջին թրեյլերը