Հալեպում դադարեցվել են դասերն ու պետական հիմնարկների աշխատանքը

Սիրիայի իշխանությունները Հալեպ քաղաքում ժամանակավորապես դադարեցրել են ուսումնական հաստատությունների գործունեությունը և պետական հիմնարկների աշխատանքը՝ կառավարության ուժերի և քրդական զինված կազմավորումների միջև բախումների պատճառով։ Այդ մասին հաղորդում է Al Watan-ը՝ հղում կատարելով Հալեպի նահանգապետ Ազզամ ալ-Ղարիբայի հայտարարությանը։

Նշենք, որ երեկվա բախումների հետևանքով, ըստ BBC-ի, զոհվել է առնվազն երեք մարդ, բոլորը քաղաքացիական անձինք, վիրավորվել 25-ը։