Կիլիմանջարո լեռան վրա փրկարարական ուղղաթիռի կործանման հետևանքով 5 մարդ է զոհվել

3871

Հինգշաբթի, 25 դեկտեմբերի, 2025 թ., 15:24

Տանզանիայում՝ Կիլիմանջարո լեռան վրա, փրկարարական ուղղաթիռ է կործանվել, որի հետևանքով զոհվել է 5 մարդ: Միջադեպը տեղի է ունեցել լեռնագնացների համար հայտնի երթուղու վրա։

Նշվում է, որ ուղղաթիռը տեղափոխում էր երկու տուժած լեռնագնացների։ Նրանց հետ ինքնաթիռում եղել են օդաչուն, ուղեկցորդը և բժիշկը։ Ոչ ոք ողջ չի մնացել։

Վթարի պատճառները հետաքննվում են։ Նշվում է, որ Կիլիմանջարոյի շրջանում նման դեպքերը հազվադեպ են լինում՝ վերջին նման վթարը տեղի է ունեցել 2008 թվականին, այդ ժամանակ մահացել էր չորս մարդ։