«Հաջորդ շաբաթ վերջնական տեսքի կբերենք քննարկված հարցերը». Զելենսկի

ԱՄՆ-ում քննարկված հարցերի վերջնական տեսքի բերումը պետք է տեղի ունենա արդեն հաջորդ շաբաթ։ Բացի այդ, ուկրաինական և եվրոպական պատվիրակություններին սպասվում է ընդունելություն Վաշինգթոնում։ Այս մասին հայտնել է Ուկրաինայի նախագահ Վլադիմիր Զելենսկին։

Նա ավելացրել է, որ Ուկրաինայի ներկայացուցիչները, ովքեր զբաղվում են խաղաղ կարգավորման հարցերով, պետք է ժամանեն Վաշինգթոն հունվարին։ Ուկրաինական պատվիրակությանը կմիանան նաև եվրոպացի քաղաքական գործիչները։