Ղրղզստանի նախկին նախագահին զրկել են պետական պարգևներից

Ղրղզստանի նախկին նախագահ Ալմազբեկ Աթամբաևին զրկել են պետական ​​պարգևներից։ Հրամանագիրը ստորագրել է երկրի ներկայիս ղեկավար Սադիր Ջապարովը։

Իրավապահ մարմիններին հանձնարարվել է առգրավել դրանք:

Աթամբաևը Ղրղզստանի նախագահն էր 2011 թվականի դեկտեմբերից մինչև 2017 թվականի նոյեմբերը։

2020 թվականին նա դատապարտվել է 11 տարի ազատազրկման՝ քրեական հեղինակություն Ազիզ Բատուկաևի անօրինական ազատ արձակման համար։ Դատավճիռը հետագայում չեղյալ է հայտարարվել, և գործն ուղարկվել է նոր դատաքննության։

2023 թվականին Աթամբաևն ազատ է արձակվել բանտից և նրան թույլատրվել է մեկնել արտասահման՝ բուժման համար։

2025 թվականի հունիսին Աթամբաևը հեռակա կարգով դատապարտվել է 11,5 տարվա ազատազրկման՝ երեք քրեական գործերով՝ Կոյ Տաշ գյուղում հողամասերի անօրինական ձեռքբերման, անօրինական հարստացման և 2019 թվականի օգոստոսին Կոյ Տաշ գյուղում տեղի ունեցած անկարգություններին մասնակցելու համար։