«ԱՄՆ-ն ու Իսրայելը համաձայնության են եկել հարցերի մեծ մասի շուրջ». Թրամփ

ԱՄՆ նախագահ Դոնալդ Թրամփը հայտարարել է, որ Իսրայելի վարչապետ Բենիամին Նեթանյահուի հետ հանդիպման ընթացքում հաջողվել է հարցերի մեծ մասի շուրջ համաձայնության հասնել։ «Կարծում եմ՝ մենք շատ որոշումների հանգեցինք»,- ասել է Թրամփը՝ ասուլիսի ժամանակ։

Նշենք, որ երեկ ԱՄՆ նախագահ Դոնալդ Թրամփը Ֆլորիդայում ընդունել է Իսրայելի վարչապետ Բենիամին Նեթանյահուին։

Հանդիպման ընթացքում քննարկել են Իրանի դեմ նոր հարվածների հավանականությունը, ՀԱՄԱՍ-ի զինաթափումը, Թուրքիայի զինվորականների մուտքը Գազայի հատված, Սիրիայի հետ հարաբերությունները և այլ հարցեր։