«Եթե միջազգային արբիտրաժային որոշումը կատարված լիներ, այսօր նման իրավիճակ չէր լինի». Արամ Վարդևանյան

«Իհարկե, անթերի որևէ հիմնարկ գոյություն չունի: Խնդիրներ միշտ էլ եղել են, բայց երբ խնդիր է ի հայտ եկել, այդ խնդիրը րոպե շուտ լուծելու վճռականություն է եղել»,- «5-րդ ալիք»-ի եթերում ասել է փաստաբան Արամ Վարդևանյանը՝ անդրադառնալով Էրեբունիում օրեր տևած հոսանքազրկմանը: Նա ընդգծել է, որ ժամանակավոր կառավարիչը փաստացի ճգնաժամային կառավարիչն է, և որ «Ռոմանոս Պետրոսյանը 6 ամիս է՝ ՀԷՑ-ի ճգնաժամային կառավարիչն է, բա ինչի՞ համար այդքան երկար հոսանքազրկում է եղել»: «Թիվ մեկ պատասխանատուն այս իրավիճակի մեկ անձ է՝ ժամանակավոր կառավարիչը՝ Ռոմանոս Պետրոսյանը: Թերացում ունի նաև ՀԾԿՀ-ն, բա իրենք են վերահսկողն այս ոլորտի, իրենք են լիցենզիայից զրկելու որոշում կայացրել:

Եթե արբիտրաժային դատարանի որոշումը կատարված լիներ, այսօր նման իրավիճակ չէր լինի, որովհետև ժամանակավոր կառավարիչը չէ, որ պետք է ապահովեր ՀՀ-ում էլեկտրաէներգիայի պատշաճ սպասարկումն ու մատակարարումը, այլ պետք է իրականացներ նույն ՀԷՑ-ի մենեջմենթը»,- նշել է նա: