«Ցինիզմն ու մարազմն էլ պետք է սահմաններ ունենան»․ Տաթևիկ Վիրաբյան

44-օրյա պատերազմում զոհված Գևորգ Վիրաբյանի քրոջ՝ Տաթևիկ Վիրաբյանի ֆեյսբուքյան գրառումը․ «Ժողովուրդ ջան, բա չիմացաք, նիկոլենք օրացույցը կորցրել էին, երեկ իրիկունը գտել են ու… հիշել Վաղարշապատի ընտրությունները։
Հակակոռուպցիոն կոմիտեի հայտարարությունը կարդացե՞լ եք։ Ցինիզմն ու մարազմն էլ պետք է սահմաններ ունենան, բայց դա հաստատ Նիկոլենց մասին չի…
«ՀՀ Արմավիրի մարզի Վաղարշապատ համայնքում 2025 թվականի նոյեմբերի 16-ին համամասնական ընտրակարգով ավագանու ընտրություններին «Հայրենիք» կուսակցության պատասխանատու անձանց կողմից իրենց օգտին քվեարկելու դիմաց ընտրակաշառք տալու և նույն համայնքի բնակիչների կողմից ընտրակաշառք ստանալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում օրերս ձերբակալվել է 8 անձ, այդ թվում՝ Արմավիրի մարզպետի նախկին տեղակալը։ Ձերբակալված անձանցից մեկի նկատմամբ որպես խափանման միջոց է կիրառվել կալանքը, երեքի նկատմամբ՝ տնային կալանքը։ Նախօրեին նույն քրեական վարույթի շրջանակում կաշառք տալու մեղադրանքով ձերբակալվել է ևս երկու անձ, այդ թվում՝ նշված կուսակցության գլխավոր քարտուղարը։ Վերջիններիս նկատմամբ կալանքը որպես խափանման միջոց կիրառելու միջնորդություններ են ներկայացվել դատարան»,- ասում է կոմիտեն։
Լավ, դուք ով եք, գոնե սուս մնացեք։ ՔՊ-ն Վաղարշապատի ընտրություններում բարոյականության, տրամաբանության հերն անիծել է, ընկել եք՝ ընդդիմության վրա գործ կարում, հեքիաթներ հորինում։
Վաղարշապատի ընտրություններում ՔՊ «քաջագործությունները» մինչև առավոտ կարելի է թվարկել․ ընտրակաշառքի ապօրինության ինչ մեթոդ կար, սաղ օգտագործել եք…
Լավ, էս ով են սրանք…»։