«2025 թվականն աննախադեպ էր»․ Արեգ Սավգուլյան

Պատմաբան Արեգ Սավգուլյանը ֆեյսբուքյան իր էջում գրում է․ «2025 թվականն աննախադեպ էր, որովհետև թշնամին խաղաղության քողի ներքո սկսեց ներսից խժռել մեր ազգային ինքնության հիմնական սյուներից մեկը։ Հայաստանյայց առաքելական սուրբ եկեղեցին ենթարկվեց բազմաբևեռ և ստոր հարձակման և չկար որևէ մեկը դրսում, որ օգնության ձեռք մեկներ, որովհետև փրկությունը ներսում է։
Երբ տիրադավները գրոհում էին Մայր տաճարը այն չէին պաշտպանելու Հռոմի պապի շվեցարները, իսկ երբ քացով ջարդում էին դռները՝ Մակրոնի ֆրանսիական լեգիոնները կամ ռուս ուղղափառները։ Այդ գործը պետք է աներ հայ ազգային արժանապատիվ մարդը, որը պաշտում է իր Հայրենիքը, ազգը, հավատը և պետությունը։
Իսկ ի՞նչ ուղերձներ ենք ստանում մենք դրսից, որը փաթեթավորված մեզ հրամցնում են այս թաթալաբազ արկածաբանները միջնորդավորված. «Եկեղեցին պրոբլեմ է՝ քանդենք կդզվենք, Սյունիքը նոր գլխացավանք է՝ միջանցքայնացնենք, Սևանը մի ոտ շուտ պետք է հողի պես կիսվել «նոր մերձավորների» հետ, որովհետև մեզ քրիստոնեությունը հանդուրժողականութուն և հարգանք է ուսուցանում այլազգիների և այլադավանների նկատմամբ», իսկ միգուցե մեր մեջ կան մարդիկ, որոնց համար ճակատագրի բերումով հենց հայ լինելն է գլխավոր գերագույն հիմնախնդիրը, իսկ թուրք կամ այլազգի լինելը թրենդայի՞ն։
Հ.Գ. Գալիք տարում իմ ցանկություն է, որ ես լիակատար ազատության մեջ տեսնեմ հանիրավի բանտարկված սրբազաններին և մնացյալ քաղբանտրակյալներին։ Բայց խնդրանքս ուղղված է ո՛չ թե Ձմեռ պապին, (նա էլ է դրսի մարդ), այլ հայ մարդուն, քաղաքացուն, որը խոսք ունի ասելու համապետական ընտրության օրը»։