«Վենեսուելան պատրաստ է ԱՄՆ-ի հետ քննարկել թմրավաճառության դեմ պայքարը». Մադուրո

Վենեսուելայի կառավարությունը պատրաստ է Միացյալ Նահանգների հետ քննարկել թմրավաճառության դեմ պայքարի համաձայնագիրը և նավթային ոլորտում ներդրումները, ասել է Վենեսուելայի նախագահ Նիկոլաս Մադուրոն։

«Կարծում եմ՝ մենք պետք է սկսենք լուրջ խոսել՝ հիմնվելով փաստերի վրա։ ԱՄՆ կառավարությունը գիտի, քանի որ մենք նրանց շատ ներկայացուցիչների ասել ենք, որ եթե նրանք ցանկանում են լուրջ քննարկել թմրանյութերի ապօրինի շրջանառության դեմ պայքարի համաձայնագիրը, մենք պատրաստ ենք։ Եթե նրանք ցանկանում են վենեսուելական նավթ, Վենեսուելան պատրաստ է ամերիկյան ներդրումների՝ Chevron-ի նման, երբ ցանկանան»,- ասել է նա՝ լրագրող Իգնասիո Ռամոնետի հետ հարցազրույցում։