Իրանում բողոքի ակցիաների ժամանակ զոհվել է 35, ձերբակալվել 1200 ցուցարար

Իրանում զանգվածային բողոքի ցույցերի ընթացքում զոհվել է առնվազն 35 մարդ, իսկ ավելի քան 1200 ցուցարար ձերբակալվել, հաղորդում են ԶԼՄ-ները՝ հղում կատարելով «Իրանի մարդու իրավունքների ակտիվիստներ» իրավապաշտպան կազմակերպությանը և դրա HRANA մեդիա ցանցին։

Իրավապաշտպանները հաղորդել են, որ 35 զոհվածների թվում են 29 ցուցարար, չորս երեխա և անվտանգության երկու աշխատակից։

Հիշեցնենք, որ Իրանում բողոքի ցույցեր են ընթանում տեղական արժույթի անկման պատճառով: