Իրանական պատվիրակությունը Հայաստանում կքննարկի Հարավային Կովկասում տեղի ունեցող զարգացումները

1153

Չորեքշաբթի, 07 հունվարի, 2026 թ., 21:24

Իրանի Իսլամական Հանրապետության արտաքին գործերի փոխնախարար Մաջիդ Թախտ Ռավանչիի գլխավորած պատվիրակությունն այսօր 7-ին կժամանի Երևան։ Այս մասին հայտնում է իրանական ISNA կայքը՝ մանրամասնելով, որ Երևանում իրանական պատվիրակությունը կմասնակցի քաղաքական խորհրդակցությունների։
Նշվում է, որ իրանցի դիվանագետը կհանդիպի նաև իր հայ գործընկերոջ հետ։ Բացի այս, նախատեսվում են նաև հանդիպումներ այլ բարձրաստիճան հայ պաշտոնյաների հետ, որոնց հետ կքննարկվեն երկու երկրների միջև համագործակցությունը տնտեսության, տրանսպորտի և մշակույթի ոլորտներում։

Հանդիպումների ընթացքում կքննարկվեն նաև Հարավային Կովկասում տեղի ունեցող զարգացումները և տարածաշրջանում խաղաղության ու անվտանգության պահպանմանն ուղղված համագործակցությունը։