Ուրբաթ, 21 օգոստոսի, 2026 թ.
|
Ստեփանակերտում`   +25 °C

«Կոլումբիայի նախագահի հետ քննարկել ենք թմրանյութերի ապօրինի շրջանառության դեմ պայքարը»․ Թրամփ

«Կոլումբիայի նախագահի հետ քննարկել ենք թմրանյութերի ապօրինի շրջանառության դեմ պայքարը»․ Թրամփ
1259
Հինգշաբթի, 08 հունվարի, 2026 թ., 10:47

ԱՄՆ նախագահ Դոնալդ Թրամփը հայտնել է Կոլումբիայի նախագահ Գուստավո Պետրոյի հետ ունեցած հեռախոսազրույցի մասին։

«Ինձ համար մեծ պատիվ էր խոսել նախագահ Գուստավո Պետրոյի հետ, ով զանգահարել էր՝ պարզաբանելու թմրանյութերի հետ կապված իրավիճակը, ինչպես նաև մեր միջև առաջացած այլ տարաձայնությունները», — գրել է Թրամփը Truth Social սոցիալական ցանցում։

«Ես բարձր եմ գնահատում նրա զանգը և զրույցի տոնը ու անհամբերությամբ սպասում եմ նրա հետ հանդիպմանը մոտ ապագայում։ Այժմ ԱՄՆ պետքարտուղար Մարկո Ռուբիոն և Կոլումբիայի արտաքին գործերի նախարարը նախապատրաստական աշխատանքներ են տանում։ Հանդիպումը տեղի կունենա Վաշինգթոնում՝ Սպիտակ տանը», - հայտնել է նա։

Ավելի վաղ ԱՄՆ նախագահ Դոնալդ Թրամփը Կոլումբիայի նախագահ Գուստավո Պետրոյին մեղադրել էր կոկաինի արտադրության մեջ և չէր բացառել նրա դեմ գործողության իրականացումը։