«ԱՄՆ-ն Վենեսուելայի նկատմամբ վերահսկողությունը կպահպանի մեկ տարուց ավելի»․ Թրամփ

ԱՄՆ-ն պլանավորում է վերահսկել Վենեսուելան առնվազն մեկ տարի, հայտարարել է ԱՄՆ նախագահ Դոնալդ Թրամփը New York Times-ին տված հարցազրույցում։

«Ես կասեի՝ շատ ավելի երկար», - ասել է նա՝ պատասխանելով համապատասխան հարցին։ Սակայն նա հստակ ժամկետներ չի նշել։

Սպիտակ տան ղեկավարը նշել է, որ Վաշինգթոնը մտադիր է օգտագործել վենեսուելական նավթը, իջեցնել դրա գները և միջոցներ տրամադրել Կարակասին։ Նա հնարավոր է համարել, որ լատինաամերիկյան երկրի տնտեսության այս հատվածի վերականգնման համար տարիներ կպահանջվեն։