«Սիրիան Հալեպում հակաահաբեկչական գործողություն է իրականացնում»․ Թուրքիայի ՊՆ

Թուրքիայի պաշտպանության նախարարությունը հայտարարել է, որ Սիրիայի բանակը Հալեպում հակաահաբեկչական գործողություն է սկսել, որն առայժմ իրականացվում է բացառապես սեփական ուժերով, սակայն Անկարան պատրաստ է աջակցություն ցուցաբերել համապատասխան խնդրանքի դեպքում։

«Սիրիայի անվտանգությունը մեր անվտանգությունն է։ Թուրքիան ուշադիր հետևում է Սիրիայում տեղի ունեցող զարգացումներին։ Մեր երկիրը աջակցում է Սիրիայի պայքարին ահաբեկչական կազմակերպությունների դեմ՝ հիմնվելով Սիրիայի միասնության և տարածքային ամբողջականության սկզբունքների վրա։ Այս համատեքստում Թուրքիան կցուցաբերի անհրաժեշտ աջակցություն, եթե Սիրիան դիմի դրա համար»,- ճեպազրույցի ժամանակ նշել է ռազմական գերատեսչության ներկայացուցիչը։

Հիշեցնենք, որ Հալեպում հունվարի 6-ին բախումներ են սկսվել քրդերի գլխավորած Սիրիայի դեմոկրատական ուժերի (ՍԴՈւ) և սիրիական բանակի միջև։