Հինգշաբթի, 15 հունվարի, 2026 թ.
|
Ստեփանակերտում`   -2 °C

Ֆրանսիան և Մեծ Բրիտանիան մինչև 15,000 զինվորական կուղարկեն Ուկրաինա․ #The Times

Ֆրանսիան և Մեծ Բրիտանիան մինչև 15,000 զինվորական կուղարկեն Ուկրաինա․ #The Times
1785
Հինգշաբթի, 08 հունվարի, 2026 թ., 17:30

Ֆրանսիան և Մեծ Բրիտանիան ծրագրում են մինչև 15 հազար զինվորական ուղարկել Ուկրաինա, գրում է The Times-ը՝ հղում կատարելով աղբյուրներին։

Ֆրանսիական և բրիտանական զինվորականների հիմնական առաջադրանքները կլինեն ռազմական տեխնիկայի սպասարկումը, Ուկրաինայի զինված ուժերի ուսուցումը, ինչպես նաև պաշտպանական ենթակառուցվածքների կառուցումը։

Նշվում է, որ նրանցից 7 500-ը նախատեսում է ուղարկել Մեծ Բրիտանիան։ Ավելի վաղ Մեծ Բրիտանիայի պաշտպանության նախարարությունը առաջարկել էր ուղարկել 10 000 զինվորական։

Ավելի վաղ Մեծ Բրիտանիայի վարչապետ Քիր Սթարմերը հայտարարել էր, որ «կամավորների կոալիցիայի» առաջնորդները Փարիզում կայացած հանդիպման ժամանակ ստորագրել են հռչակագիր՝ Ուկրաինա զորքեր տեղակայելու մտադրության մասին, եթե խաղաղության համաձայնագիր կնքվի։ Նրա խոսքով՝ Ուկրաինայում կրակի դադարեցման դեպքում, Մեծ Բրիտանիան և Ֆրանսիան ռազմական բազաներ կտեղակայեն Ուկրաինայի ամբողջ տարածքում և կկառուցեն տեխնիկայի պահեստներ Ուկրաինայի զինված ուժերի համար։

Կարդացե՛ք նաև